Written & Reviewed by Clinics Asia Healthcare Team | Learn more about our expert review process.
ပါဝင်သောအကြောင်းအရာများ
အကျဥ်းချုပ်
အသည်းရောင်အသားဝါ အေ ရောဂါဆိုတာ ရောဂါပိုးရှိသူရဲ့ အညစ်အကြေးကနေတစ်ဆင့် ကူးစက်တာဖြစ်ပါတယ်။ အများအားဖြင့် ကူးစက်ခံရပြီး လအနညး်ငယ်အတွင်းမှာ ပြန်လည်ကောင်းမွန်နိုင်ပါတယ်။
လက္ခဏာများ
ရောဂါလက္ခဏာတွေကတော့-:
- အဖျားကြီးခြင်း
- တုပ် ကွေး မိသကဲ့သို့ လက္ခဏာများဖြစ်ခြင်း( ပင်ပန်းနွမ်းနယ်ခြင်း, ခေါင်းကိုက်ခြင်း, ကြွက်သားများနာကျင်ကိုက်ခဲခြင်း)
- နေထိုင်မကောင်းဖြစ်ခြင်း
- ဗိုက်အောင့်ဗိုက်နာခြင်း
- ဝမ်းလျှောခြင်း (သို့မဟုတ်) ဝမ်းချုပ်ခြင်း
- အဝါရောင်, မီးခိုးရောင် ရှိသော ဝမ်းများသွားခြင်း
- ဆီးအညိုရင့်ေရာင်သွားခြင်း
- အရေပြားယားယံခြင်း
- အသားဝါခြင်း
ကလေးအများစုနဲ့ တချို့လူကြီးတွေမှာ လက္ခဏာ လုံးဝမပြတာ မသိမသာအနည်းငယ်မျှသာပြတာတွေလည်းရှိပါတယ်။
ဖြစ်ပွားရသောအကြောင်းအရင်း
အသည်းရောင်အသားဝါအေရောဂါက ဗိုင်းရပ်စ်ပိုးကြောင့် ဖြစ်တဲ့ ရောဂါပါ။
အာဖရိက,အာရှ, အရှေ့အလယ်ပိုင်းဒေသနဲ့,တောင်အမေရိကနေရာတွေမှာပိုပြီးအဖြစ်များပါတယ်။
အသည်းရောင်အသားဝါအေရောဂါကို :
- မသန့်ရှင်းသောရေသောက်မိတာ
- မသန့်ရှင်းတဲ့ ရေနဲ့ ဆေးကြောထားတဲ့ အစားအစာတေွစားမိတာ
- ရောဂါပိုးရှိတဲ့သူချက်ပြုတ်ထားတဲ့ အစားသောက်များစားမိတာ
- ရောဂါပိုးရှိတဲ့သူနဲ့ အတူတကွယှဥ်တွဲနေထိုင်တာ, ဆေးထိုး အပ်ကိုအတူတကွ အသုံးပြုတာ , လိင်ဆက်ဆံတာ စတာတွေ ကနေကူးစက်နိုင်ပါတယ်။
ကုသမှု
အသည်းရောင်အသားဝါအေ ရောဂါကရောဂါကြီးကြီးမားမားမဖြစ်ပဲ ၃လကနေ ၆လ အတွင်း ပျောက်ကင်းသွားနိုင်ပါတယ်။
ဆရာဝန်က ရောဂါလက္ခဏာတွေ သက်သာဖို့ ဆေး ပေးပါလိမ့်မယ်။
အသည်း ရောဂါကြီးကြီးမားမားဖြစ်တဲ့ သူကတော့အလွန်ရှားပါတယ်။ အသည်းရဲ့ လုပ်ငန်းဆောင်တာတေွပုံမှန်လုပ်မလုပ်ကို သွေးဖောက်စစ် ဆေးတာမျိုးလုပ်လို့ရပါတယ်။
ကာကွယ်ရန်အချက်များ
အသည်းရောင် အသားဝါကာကွယ်ဆေးထိုးခြင်းက အထိရောက်ဆုံးကာကွယ်ပေးနိုင်တဲ့ နည်းလမ်းပါ။
ကာကွယ်ဆေးထိုးဖို့လိုအပ်ပါတယ်။ :
- ရောဂါဖြစ်ပွားမှုများတဲ့ နေရာဒေသတွေကိုသွားမယ်ဆိုရင်
- သင့်မှာနာတာရှည် အသည်းရောဂါရှိတာ
- သင့်မှာနာတာရှည် အသည်းရောဂါရှိတာ
- သွေးမတိတ်ရောဂါရှိတာ
- လိင်တူဆက်ဆံခြင်း
- မိမိအလုပ်နေရာက ပိုးကူးစက်ဖို့ အလားအလာရှိတာ
အခြားကာကွယ်နိုင်မယ့် နည်းလမ်းတွေက
အခြားကာကွယ်နိုင်မယ့် နည်းလမ်းတွေက:
- အစားအစာများမစားခင်နှင့်မချက်ပြုတ်မီ လက်ကိုသေချာဆေးကြောပါ။
- ရေသန့် ဒါမှမဟုတ် ကျိုချက်ထားသော ရေကိုသာသောက်သုံးပါ။
- မသန့်ရှင်းသောရေမှ ကမာကောင်များ စားသောက်ခြင်းနှင့် အသီးအရွက်များမချက်ပြုတ်ပဲစားသောက်ခြင်းကို ရှောင်ပါ။
- လိင်ဆက်ဆံတဲ့ အခါအကာအကွယ် မဖြစ်မနေ သုံးပါ။
အသည်းရောင်အသားဝါ အေ ရှိပါက လုပ်ဆောင်နိုင်သည့်အရာများ
ရောဂါပိုးကူးစက်ခံရပြီဆိုရင် ရောဂါလက္ခဏာသက်သာအောင်နဲ့ အခြားသူများကို ကူးစက်ခြင်းမရှိအောင် နေရမည့် နည်းလမ်းတွေကတော့
- ရောဂါလက္ခဏာစဖြစ်ပြီး ၇ ရက် အတွင်းနှင့် အသားဝါဖြစ်ပြီး ၇ရက်အတွင်းမှာ အခြားလူများနှင့်ထိ တွေ့ခြင်းကိုရှောင်ပါ။
- အနားယူပါ။ ရေများများသောက်ပါ။
- ဆရာဝန်နှင့် တိုင်ပင်ပြီး ဆေးသောက်ပါ။
- အခန်းကို လေဝင်လေထွက်ကောင်းအောင်ထားပါ။ ချောင်ချောင်ချိချိသက်တောင့်သက်သာဖြစ်စေမယ့်အဝတ်အစားကိုဝတ်ပါ။ အရေပြားယားယံတာမျိုးရှိတယ်ဆိုရင် ရေပူနဲ့ ရေချိုးခြင်းကို ရှောင်ပါ။
- အိမ်သာဝင်ပြီးတိုင်းလက်ကိုသေချာဆေးကြောပါ။
- အရက်မသောက်ပါနှင့်။
- အခြားသူများအတွက် အစားအသောက်ပြင်ဆင်ချက်ပြုတ်တာမျိုးမလုပ်ပါနှင့်။
- အကာအကွယ်မပါပဲ လိင်မဆက်ဆံပါနှင့်။
- အခြားသူများနှင့် ဆေးထိုးအပ်အတူတကွမသုံးပါနှင့်။
ဆရာဝန်နှင့်ပြသ ရန်အချိန်
အသည်းရောင် အသားဝါ အေ ရောဂါလက္ခဏာတွေ ခံစားနေရတယ်လို့ သံသယရှိတယ်ဆိုရင် ဆရာဝန်နဲ့ သွားပြပါ။ဒါ့ပြင် ဒီအချက်တွေ ရှိနေတယ်ဆိုရင်လည်း ဘာဆက်လုပ်သင့်လဲဆိုတာကို ဆရာဝန်နဲ့ ဆွေးနွေးပါ။:
- အသည်းရောင် အသားဝါ အေ အဖြစ်များသော နိုင်ငံများသို့ သွားရောက် လည်ပတ်ထားခြင်း
- သင်နဲ့ အတူနေထိုင်သူက အသည်းရောင်အသားဝါ အေ ပိုးရှိတယ်ဟု အဖြေထွက်ထားခြင်း
- သေွးမတိတ်ရောဂါရှိခြင်း
- လိင်တူဆက်ဆံခြင်း
- အခြားသူနှင့် ဆေးထိုးအပ် အတူ သုံးမိခြင်း
- အလုပ်တွင် ကူးစက်နိုင်ခြေများခြင်း
အသည်းရောင် အသားဝါ အေ ရောဂါရှိတယ် လို့ သံသယရှိတယ်ဆိုရင် ဆရာဝန်နဲ့ သွားပြပါ။
Our content undergoes a thorough process of research, writing, peer review, and rigorous checks and approvals. It is designed for educational purposes and is freely accessible for individual patients to read and share. For detailed information regarding usage, copyright, and disclaimers, please visit our Terms & Conditions page.