အနာစက်(Impetigo)

လက္ခဏာများ

အနာစက်သည် နီမြန်းသော အရည်ကြည်ဖုများဖြင့် စတင်ပြီး၊ ရောင်ရမ်းမှုသည် အရေပြားအရောင်ရင့်သူများတွင် မြင်တွေ့ရန်ပိုမိုခက်ခဲနိုင်သည်။

အနာများ သို့မဟုတ် အရည်ကြည်ဖုများသည် အရမ်းလျင်မြန်စွာ ပေါက်နိုင်ပြီး အညိုရောင် အနာဖေးများ ကျန်စေသည်။

အနာများသည်-

• သင့်အရေပြားပေါ်တွင် အဖတ်များဖြစ်ကျန်ခဲ့သည်
• ပိုကြီးလာပြီး ကိုယ်ခန္ဓာအခြားအစိတ်အပိုင်းများသို့လည်း ကူးစက်နိုင်သည်

• ယားယံပြီး တစ်ခါတလေ နာကျင်နိုင်ပါသည်
  

အကြောင်းအရင်းများ

အနာစက်သည် အရေပြားကို ဘက်တီးရီးယားပိုးဝင်ခြင်းကြောင့် ဖြစ်ပါသည်။

ကုသမှုရွေးချယ်စရာများ

ဆရာဝန် သို့မဟုတ် ဆေးဝါးပညာရှင်သည် သင့်ရဲ့ လက္ခဏာများသည် ပိုမိုအရေးကြီးသော အရေပြားရောဂါတစ်မျိုးဖြစ်နိုင်သည်ကို စစ်ဆေးမည်၊ ဥပမာ၊ cellulitis (အသားအရေထဲတွင် ကူးစက်မှု) အဖြစ်ဖြစ်နိုင်ပါသည်။

အနာစက်ဖြစ်ပါက၊ သူတို့သည် အောက်ပါဆေးများပေးနိုင်ပါသည်-

• တစ်နေရာတည်းမှာသာ ရှိပါက hydrogen peroxide (cream)

• ပိုကျယ်ပြန့်လျှင် အန်တီဘိုင်အိုတစ် ကရင်သို့မဟုတ် အန်တီဘိုင်အိုတစ် သောက်ဆေးများ
• Bullous impetigo ရှိပါက အန်တီဘိုင်အိုတစ် သောက်ဆေးများ

ကလေးများနှင့် ကိုယ်ခံအားနည်းသူများသည် ရောဂါကူးစက်ခြင်းကိုရပ်တန့်ရန် ပိုးသတ်ဆေးများ လိုအပ်နိုင်ပါသည်။

အကယ်၍ သင့်ရဲ့ impetigo ထပ်ခါတလဲလဲဖြစ်နေပါက

GP (ဆရာဝန်) သည် သင့်အရေပြားမှ swabတစ်ခုယူ၍ impetigo ဖြစ်စေသော ဘက်တီးရီးယားကို စစ်ဆေးနိုင်ပါသည်။

 သူတို့သည် သင့်နှာခေါင်းအတွင်းမှလည်း ယူနိုင်ပါသည်။

သူတို့က ဘက်တီးရီးယားကို ဖယ်ရှားရန် နှင့် impetigo ထပ်မဖြစ်လာစေရန် ပိုးသတ် ရေချိုးဆပ်ပြာ သို့မဟုတ် နှာခေါင်းဆေးသော်လည်းကောင်း၊ နှစ်ခုလုံးကို ပေးနိုင်ပါသည်။

ကာကွယ်ရန်အချက်များ

အနာစက်သည် ထိခိုက်ပျက်စီးသော အရေပြားကို ပိုကူးစက်တတ်သည်။

သင်သည် ထိခိုက်ရှနာသို့မဟုတ် ခြစ်ရာ၊ ပိုးကောင်ကိုက်ခြင်း သို့မဟုတ် အရေပြားရောဂါတစ်ခုရှိပါက ယင်းကို ရနိုင်ပါသည်။

အနာစက် ကို ကာကွယ်ရန်:

• ထိခိုက်ရှနာသို့မဟုတ် ခြစ်ရာ၊ ပိုးကောင်ကိုက်ရာများကို သန့်ရှင်းစွာထားပါ – ဥပမာ၊ ရေနှင့် ဆပ်ပြာဖြင့် သင့်ရဲ့ အရေပြားကို ဆေးကြောခြင်း

• အရေပြားရောဂါများ အဖြစ် eczema နှင့် scabies အတွက် ဆေးကုသမှု လုပ်ပါ

အနာစက်ကို ပျံ့နှံ့ခြင်း သို့မဟုတ် ပိုမိုဆိုးရွားခြင်းကို ကာကွယ်ရန်

အနာစက်သည် အရေပြား-အချင်းချင်းထိတွေ့မှုမှတဆင့် အခြားလူများသို့ လွယ်လွယ်ကူကူ ကူးစက်နိုင်သည်။

သင်သည် ကူးစက်ခံထားသော ပစ္စည်းများကို ထိတွေ့ခြင်းအားဖြင့်လည်း ရနိုင်ပါသည်၊ ဥပမာ၊ ပုဝါနှင့် အိပ်ရာခင်းများ

အနာစက်သည် ကူးစက်နိုင်မှုမှ ရပ်တန့်သည်:

• Hydrogen peroxide cream သို့မဟုတ် GP သို့မဟုတ် ဆေးဝါးပညာရှင်မှ ပေးသော အန်တီဘိုင်အိုတစ် ဆေးများကို သုံးစွဲပြီး 48 နာရီအတွင်း

• အနာများ ခြောက်ပြီးအဖတ်ကွာခြင်း (ဆေးကုသမှုမပြုခဲ့ပါက)

အနာစက် ကူးစက် ပျံ့နှံ့ခြင်း သို့မဟုတ် ပိုဆိုးလာခြင်းကို ကာကွယ်ရန် လုပ်ဆောင်နိုင်သော အချက်အလက်များရှိပါသည်:

လိုက်နာရန်

• အလုပ်၊ ‌ကျောင်း များသို့သွားခြင်းကို ရောဂ်ကူးစက်မှုမရှိတော့သည်အထိ ရှောင်ပါ။
• အနာဖြစ်သော အရေပြားများကို ဆပ်ပြာနှင့် ရေဖြင့် သန့်ရှင်းစွာ ရေဆေးပြီး သေချာသန့်ရှင်းပါ
• လက်များကိုမကြာခဏဆေးကြောပါ၊ အထူးသဖြင့် အန်တီဘိုင်အိုတစ် ကရီးမ အသုံးပြုခြင်းမပြုမီနှင့် ပြီးနောက်
• မျက်နှာသုတ်ပုဝါ၊ အိပ်ရာခင်းများ နှင့် ခေါင်းအုံးစွပ်များကို အပူချိန်မြင့်မှာ ဆေးကြောပါ

• သင့်ရဲ့ ကလေးများ Impetigo ရှိပါက ကစားစရာများကို ဆပ်ပြာနှင့်ရေနေွးဖြင့် ဆေးကြောပါ

ရှောင်ကြဥ်ရန်

• အနာများ၊ အရည်ကြည်ဖုများ သို့မဟုတ် အနာဖတ်များကို မကုတ်ဖဲ့ ပါနှင့်၊ မထိပါနှင့် – ၎င်းသည် အမာရွတ်ကျန်ခြင်းကိုကာကွယ်ရန်လည်း ကူညီပါသည်
• ကလေးများ သို့မဟုတ် သွေးချိုရောဂါရှိသူများ သို့မဟုတ် ကိုယ်ခံအားနည်းသူများ (ဥပမာ၊ ကင်ဆာကုသမှု ရယူနေပါက) နှင့် နီးကပ်စွာ မနေပါနှင့်
• ဖလန်နယ်များ၊ ပုဝါများ၊ အိပ်ရာခင်းများ သို့မဟုတ် ခေါင်းအုံးစွပ်များ မမျှဝေပါနှင့်
• Impetigo ရှိပါက အခြားလူများအတွက် အစားအသောက် မပြင်ဆင်ပါနှင့်
• အားကစားပြိုင်ပွဲများ သို့မဟုတ် ပို့ဘောလုံးကဲ့သို့ အားကစားများကို မပြုလုပ်ပါနှင့်

ဆရာဝန်နှင့်ပြသရန်အချိန်

သင့်နှင့်သင့်ကလေးတွင် အောက်ပါအချက်များဖြစ်ပါက ဆရာဝန်နှင့်ပြပါ

• အနာစက်ဖြစ်နိုင်ချေရှိပါက
• အနာစက်အတွက်ကုသမှုရယူခဲ့ပြီး လက္ခဏာများပြောင်းလဲသွားခြင်း သို့မဟုတ် ပိုမိုဆိုးရွားလာပါက
• အနာစက်ကို ယခင်ကဖြစ်ခဲ့ပြီးထပ်မံဖြစ်ပါ

အနာစက်သည် အလွန်ကူးစက်တတ်သည်။