Written & Reviewed by Clinics Asia Healthcare Team | Learn more about our expert review process.
ပါဝင်သောအကြောင်းအရာများ
အကျဥ်းချုပ်
အိပ်စက်ရာမှာအခက်အခဲ ရှိပြီး အဲ့ဒါက ပုံမှန်ဖြစ်နေပြီဆိုရင်တော့ အိပ်မပျော်တဲ့ ဝေဒနာကိုခံစားနေရပြီလို့သတ်မှတ်လို့ရပါတယ်။ သင့်ရဲ့အိပ်စက်ပုံအလေ့အထအချို့ကို ပြောင်းလဲလိုက်ရင် အိပ်ပျော်ဖို့အေထာက်အကူပြုနိုင်ပါတယ်။
လက္ခဏာများ
အောက်ပါအချက်တွေက ပုံမှန်လိုဖြစ်နေပြီဆိုရင်သင့်မှာ အိပ်မပျော်တဲ့ ဝေဒနာရှိနေပြီလို့ဆိုနိုင်ပါတယ်။ :
- သာမာန်ထက်အိပ်ပျော်ဖို့ခက်ခဲတာ
- ညဘက် အိပ်နေရင်းခဏခဏ နိုးတာ
- ညဘက်အိပ်ယာထဲမှာ လှဲနေပေမယ့်အိပ်မပျော်တာ
- အစောကြီးနိုးပြီး ပြန်အိပ်လို့မရတာ
- နိုးလာတဲ့အချိန်မှာလည်း ပင်ပန်းနွမ်းနယ်သလိုခံစားနေရတာ
- ပင်ပန်းပေမယ့်နေ့လည်နေ့ခင်း ခဏတဖြုတ်အိပ်ဖို့ကိုခက်ခဲတာ
- နေ့ဘက်တွေမှာ ပင်ပန်းနေပြီး စိတ်အလိုမကျဖြစ်တာ
- အာရုံစူးစိုက်ဖို့ခက်ခဲတာ စတာတေွဖြစ်ပါတယ်။
၃လအောက်အိပ်မပျော်တာကို ရေတိုအိပ်မပျော်ခြင်း လို့သတ်မှတ်ပြီး ၃လထက်ကြာတယ်ဆိုရင်တော့ ရေရှည်အိပ်မပျော် ခြင်းလို့သတ်မှတ်ပါတယ်။
ဖြစ်ပွားရသောအကြောင်းအရင်း
အိပ်မပျော်ခြင်းဖြစ်ရတဲ့ အဓိကအကြောင်းအရင်းတွေကတော့:
- စိတ်ဖိစီးမှုများခြင်း၊ စိတ်ဓာတ်ကျခြင်း,စိတ်ပင်ပန်းခြင်း
- ဆူညံသံများ
- အေးလွန်းပူလွန်းတဲ့ အိပ်ခန်းမှာအိပ်ခြင်း
- အိပ်ယာက သက်တောင့်သက်သာမရှိခြင်း
- အရက်၊ ကော်ဖီနှင့် ဆေးလိပ် သောက်ခြင်း
- ကိုကိန်းသို့မဟုတ် စိတ်ကြွဆေးသုံးခြင်း
- နေနဲ့ညမှားခြင်း
- အလုပ်ချိန်က နေ့ဆုိင်းညဆိုင်းတစ်လှည့်စီလုပ်ရခြင်း
ကုသမှု
မှန်ကန်တဲ့ ကုသမှု ရနိုင်ဖို့အတွက် GP က သင့် အိပ်မပျော် ခြင်း ကို ဘာ ကြောင့်ဖြစ် စေ တယ် ဆိုတာ ရှာဖွေ ဖို့ ကြိုးစား ပါလိမ့် မယ်
တစ်ခါတလေ အသိဉာဏ်ဆိုင်ရာ အပြုအမူကုထုံး (CBT) လုပ်တာမျိုးရှိပါတယ်။ ယင်း သည် ကုထုံး ဆရာဝန် တစ် ဦး နှင့်လူချင်းဆွေးနေွးတာဖြစ်စေ သို့မဟုတ် အွန်လိုင်း မှတစ်ဆင့် ဖြစ်စေ ဆွေးနွေးမှုပြုလုပ် နိုင်ပါတယ်။
ယင်းက သင့်အား အိပ်မပျော်စေသည့် အတွေးများနှင့် အပြုအမူများကို ပြောင်းလဲစေနိုင်တယ်။
အိပ်ရေးပျက်ခြင်းကဲ့သို့သော အခြားအိပ်စက်ခြင်းဝေဒနာလက္ခဏာများရှိမည်ဆိုလျှင် သင့်ကို အထူးကုဆရာဝန်နဲ့ ပြသဖို့ ညျွန်းပေးနိုင်ပါတယ်။
အိပ်မပျော်မှုအတွက် အိပ်ဆေးများ ကို ရက်အနည်းငယ်မှ အများဆုံး သက်တမ်းတစ်ပတ်အထိသာ ချမှတ်ပေးလေ့ရှိသည်၊ အကယ်၍:
- သင်၏ အိပ်မပျော်မှုသည် အလွန်ဆိုးရွားနေပါက
- အခြားကုသမှုများက ထိရောက်မှုမရှိပါက
ကာကွယ်ရန်အချက်များ
မိမိရဲ့ အိပ်စက်ခြင်းနဲ့ ပက်သက်တဲ့ အလေ့အထအချို့ကို ပြုပြင် ပြောင်းလဲခြင်းဖြင့် အိပ်ပျော်စေရန်အထောက်အကူပြုနိုင်ပါတယ်။
လိုက်နာရန်:
- အိပ်ယာဝင်ချိန်နဲ့ အိပ်ယာထချိန်ကိုနေ့စဥ် အချိန်မှန်ဖြစ်အောင်လုပ်ပါ။
- အိပ်ယာမဝင်ခင် တစ်နာရီအလိုမှာ စိတ်ရောကိုယ်ပါအနားယူပါဥပမာ - ရေချိုးတာ, စာအုပ်ဖတ်တာမျိုးလုပ်ပါ။
- မိမိအိပ်တဲ့ အိပ်ခန်းက တိတ်ဆိတ်ငြိမ်သက်ပြီး အလင်းရောင်သိပ်မရှိစေပဲ ခပ်မှောင်မှောင် ဖြစ်နေပါစေ။ လိုက်ကာကာတာ, မျက်လုံးကာဗာတပ်အိပ်တာ, နားဆို့တဲ့ ဖော့လေးတေွသုံးတာစသည်ဖြင့်လုပ်လို့ရပါတယ်။
- နေ့ဘက်အချိန်မှာ အားကစားတစ်ခုခုလုပ်ပါ။
- မိမိအိပ်တဲ့ အိပ်ယာခင်း၊ခေါင်းအုံးစတာတွေကို သက်တောင့်သက်သာရှိစေတာမျိုးသုံးပါ။
ရှောင်ကြဥ်ရန်
- အိပ်ရာမဝင်ခင် အနည်းဆုံး ၆ နာရီလောက် ဆေးလိပ်မသောက်ဘူး၊ လက်ဖက်ရည် ဒါမှမဟုတ် ကော်ဖီ မသောက်ပါနဲ့
- ညအချိန်နှောင်းပိုင်းမှာ အစားအများကြီး မစားပါနဲ့
- အိပ်ရာမဝင်မီ အနည်းဆုံး ၄ နာရီ လေ့ကျင့်ခန်းမလုပ်ပါနှင့်
- အပြာရောင်အလင်းက သင့်ကို ပိုပြီးနိုးလာစေတဲ့အတွက် စမတ်ဖုန်းတွေလို ရုပ်မြင်သံကြားကြည့်တာ ဒါမှမဟုတ် ကိရိယာတွေကို မသုံးပါနဲ့
- နေ့အချိန်တွင် တစ်မှေးအိပ်ခြင်းမပြုပါနှင့်
- အိပ်ချင်နေတဲ့ အချိန် ကားမမောင်းပါနဲ့
- အိပ်ယာဝင်ချိန်မမှန်တာမျိုးမရှိစေပဲ မိမိအိပ်ချိန်ကိုတတ်နိုင်သလောက်မှန်အောင် လုပ်ပါ။
ဆရာဝန်နှင့်ပြသ ရန်အချိန်
ဆရာဝန်နှင့်ပြသဖို့လိုပါတယ်။:
- သင့်ရဲ့ အိပ်စက်သည့်အကျင့်များကို ပြောင်းလဲသော်လည်း တိုးတက်မှုမရှိသောအခါ
- လနဲ့ချီ အိပ်ပျော် ဖို့ အခက်အခဲရှိလာသောအခါ
- အိပ်မပျော်ခြင်းက သင့်ရဲ့ နေ့စဥ် လုပ်ငန်းဆောင်တာတွေအပေါ်ကို သက်ရောက်မှုရှိလာရင်
Our content undergoes a thorough process of research, writing, peer review, and rigorous checks and approvals. It is designed for educational purposes and is freely accessible for individual patients to read and share. For detailed information regarding usage, copyright, and disclaimers, please visit our Terms & Conditions page.