?unique=60ab09e)
Written & Reviewed by Clinics Asia Healthcare Team | Learn more about our expert review process.
အကျဥ်းချုပ်
အရိုးအဆစ်ရောင်ခြင်း သည် အဆစ်များကို နာကျင်စေပြီး တောင့်တင်းမှုကို ဖြစ်စေသော ရောဂါဖြစ်သည်။
လက္ခဏာများ
အရိုးအဆစ်ရောင်ခြင်း၏ အဓိကလက္ခဏာများမှာ အဆစ်များတွင် နာကျင်မှုနှင့်တောင်တင်းမှု ဖြစ်ပေါ်ခြင်း ဖြစ်ပြီး, ရောဂါဖြစ်သော အဆစ်များကို ရွေ့လျားရာတွင် အခက်အခဲဖြစ်စေကာ တချို့သော လုပ်ဆောင်ချက်များကို ပြုလုပ်ရာတွင် အနှောင့်အယှက်ဖြစ်စေပါသည်။
လူပ်ရားမှုနှင့် ရာသီဥတုပေါ်လိုက်ပြီး လက္ခဏာများကဖြစ်လိုက်ပျောက်လိုက်လည်းဖြစ်နိုင်ပါသည်။ ။ ပိုမိုဆိုးရွားသော အခြေအနေတွင်, လက္ခဏာများသည် အဆက်မပြတ် ဖြစ်နေတတ်သည်။
သင်၏ အဆစ်များတွင် အရိုးအဆစ်ရောင်ခြင်း၏ လက္ခဏာများ ဆက်တိုက်ဖြစ်နေသည်ဆိုပါက, ကုထုံးအတွက် ရောဂါကို အတည်ပြုရန် နှင့် ဆရာဝန်ထံသို့ သွားရောက်ရမည်ဖြစ်သည်။
အခြား လက္ခဏာများမှာ:
- အဆစ်တောင့်တင်းမှု
- အဆစ်များကို အချိန်အတော်ကြာ မရွေ့လျားထားသောအခါ နာကျင်မှုနှင့် တင်းရင်းမှု တိုးလာခြင်း
- အဆစ်များသည် ပုံမှန်ထက် အနည်းငယ် ကြီးထွားမှုများ
- အဆစ်များကို ရွေ့လျားစဉ်တွင် အသံ ပေါ်ပေါက်မှု
- အဆစ်များတွင် လှုပ်ရှားနိုင်စွမ်း ကန့်သတ်မှု
- ကြွက်သားလျော့နည်းခြင်းနှင့် ကြွက်သားအင်အားနည်းခြင်း
အရိုးအဆစ်ရောင်ခြင်းသည် ကိုယ်၏ မည်သည့် အဆစ်မဆို ဖြစ်နိုင်ပါသည်။ အထူးသဖြင့် ဒူး, တင်ပါး, နှင့် လက် အဆစ်များတွင် အများဆုံး ဖြစ်တတ်သည်။
ဒူးများတွင် အရိုးအဆစ်ရောင်ခြင်း
ဒူးများတွင် အရိုးအဆစ်ရောင်ရောဂါရှိပါက, အချိန်အနည်းငယ်အတွင်း ဒူးနှစ်ဘက်လုံးပင် အကျိုးသက်ရောက်တတ်သည်။
ဒူးများတွင် အရမ်းနာကျင်စေပြီး, အထူးသဖြင့် တောင်တက်စဉ်,လမ်းလျှောက် စဥ် လှေကားဆင်းတက်စဉ်တွင် ပို၍ နာကျင်ရနိုင်ပါသည်။
တခါတလေ သင့်ဒူးများကွေးရဆန့် ရ အခက်အခဲဖြစ်စေတတ်ပါသည်။ ထို့အပြင် ဒဏ်ရာရရှိသည့် အဆစ်ကို လှုပ်ရှားစဉ်တွင် သေးသော၊ ရွတ်ရွတ်ဆိုသော အသံများ ကြားရနိုင်သည်။
တင်ပါးများတွင် အရိုးအဆစ်ရောင်ခြင်း
တင်ပါးအဆစ်တွင် အရိုးအဆစ်ရောင်ရောဂါရှိပါက, ရွေ့လျားရာတွင် အခက်အခဲဖြစ်စေသည်။
နာကျင်မှုသည် အထူးသဖြင့် တင်ပါးကို လှုပ်ရွေ့ရာတွင် အဆိုးဆုံးဖြစ်ပြီး, အိပ်နေစဥ်နှင့်နားနေစဥ် အတွင်းမှာလည်းနာနိုင်ပါသည်။
လက်များတွင် အရိုးအဆစ်ရောင်ခြင်း
အရိုးအဆစ်ရောင်ရောဂါသည် ,များတွင် အဓိကဖြစ်တတ်သည်။ :
- လက်မအရင်း
- လက်ဆစ်
- လက်ချောင်းများရဲ့ အဆစ်အလည်ပိုင်း
လက်ချောင်းများမှာ တင်းရင်းပြီး နာကျင်မှုရှိသည့်အပြင်, တဖြည်းဖြည်းလျော့နည်းသော်လည်း အကျိုးသက်ရောက်မှုများ ဆက်ရှိနိုင်သည်။
သင်၏ လက်ချောင်းများသည် ထိခိုက်သည့် အဆစ်များတွင် အနည်းငယ်ဘက်စောင်းညောင်းသွားနိုင်သလို၊ လက်ချောင်းများ၏ နောက်ကျောတွင် အနာတောင်များ (ရေပြည့်ဝသောအဖုများ) ဖြစ်ပေါ်လာနိုင်ပါသည်။
အချို့သောအခွင့်အရေးများတွင် သင့်လက်မတစ်ချောင်း၏ အခြေတွင် အတက်အရင်းပေါ်လာနိုင်ပြီး၊ ၎င်းက နာကျင်မှုဖြစ်စေသည်။ ဤအခြေအနေကြောင့် အရေးသားခြင်း၊ ပုလင်းခွံဖွင့်ခြင်း သို့မဟုတ် သော့ခလောက်လှည့်ခြင်းကဲ့သို့သော လက်တွဲလုပ်ဆောင်မှုများ အခက်အခဲဖြစ်စေနိုင်ပါသည်။
ဖြစ်ပွားရသည့်အကြောင်းရင်းများ
ပုံမှန်လူနေမှုဘဝအတွင်းတွင်, အဆစ်များသည် အမြဲတမ်း အနည်းငယ်ထိခိုက်မှု ခံစားနေရသည်။ ပုံမှန်အားဖြင့်, ကိုယ်ရဲ့ခန္ဓာကိုယ်က ထိခိုက်မှုကို ပြန်လည်ပြုပြင်ပေးနိုင်ပြီး, သင့်မှာ လက္ခဏာများ မပေါ်ပေါက်ပါ။
သို့သော် အရိုးအဆစ်ရောင်ခြင်း ရောဂါတွင်,အရိုးရဲ့အနားသတ်မှာဖုံးအုပ် ပေးထားတဲ့ အရိုးနုလေးတွေကအချိန်ကြာတာနဲ့ အမျှနာကျင်မှု, ရောင်ခြင်းနှင့် အဆစ်ရွေ့လျားရာတွင် အခက်အခဲများဖြစ်ပေါ်စေသည်။ အရိုးအတက်များထွက်လာပြီး ရောင်ရမ်းခြင်းများဖြစ်လာပါတယ်။
အန္တရာယ်တိုးစေသောအကြောင်းရင်းများ
အရိုးအဆစ်ရောင်ရောဂါ၏ အတိအကျအကြောင်းရင်း ကို မသိရသေးပါသော်လည်း, တချို့သော အချက်များကြောင့် အရိုးအဆစ်ရောင်ရောဂါဖြစ်ပွားနိုင်စေရန် အလားအလာရှိသည်ဟု ယူဆကြပါသည်။ အထူးသဖြင့်:
- အဆစ်ထိခိုက်မှု – ထိခိုက်မှုနောက်ပိုင်း သို့မဟုတ် ခွဲစိတ်ပြီးချိန်မှာ အနာကောင်းစွာမကျက် သေးခင် အလွန်အကျွံအသုံးပြုမှု
- အခြားရောဂါများ (ဒုတိယအဆင့် အရိုးအဆစ်ရောင်ရောဂါ) – ရောဂါများကဲ့သို့သော အရိုးအဆစ်ရောင်ရောဂါသည် အခြားရောဂါကြောင့် အဆစ်များထိခိုက်သည့်အခါမှာ ဖြစ်နိုင်ပါသည်။ ဥပမာ: လေးဖက်နာအရိုးအဆစ်ရောင်ခြင်း သို့မဟုတ် ဂေါက်ရောဂါ
- အသက်အရွယ် – အသက်ကြီးလာသည့်အခါတွင် အရိုးအဆစ်ရောင်ရောဂါဖြစ်ပွားနိုင်စွမ်း မြင့်မားလာပါသည်
- မျိုးရိုးဗီဇ – အရိုးအဆစ်ရောင်ရောဂါသည် မျိုးရိုးလိုက်နိုင်သည်ဟု ယူဆရပါသည်, သို့သော် အတည်ပြု၍ မရသေးပါ။
- အဝလွန်ခြင်း – ကိုယ်အလေးချိန်များခြင်းက အဆစ်များအား အလွန်များသောဖိအားဖြစ်စေပြီး, အထူးသဖြင့် ဒူးနှင့် တင်ပါးများသည် အလေးချိန်ကို သယ်ဆောင်နေသော အဆစ်များဖြစ်သည်
- အမျိုးသမီးဖြစ်ခြင်း – အရိုးအဆစ်ရောင်ရောဂါသည် အမျိုးသားများထက် အမျိုးသမီးများတွင် ပိုဖြစ်တတ်သည်
ရောဂါရှာဖွေခြင်း
သင့်တွင် အရိုးအဆစ်ရောင်ရောဂါ ရှိမရှိသိရန်,ဆရာဝန်သည် သင့်ရဲ့ လက္ခဏာများနှင့် အဆစ်များကို စစ်ဆေးမည်ဖြစ်သည်။
အောက်ပါအခြေအနေများသည် အရိုးအဆစ်ရောင်ရောဂါဖြစ်နိုင်ခြေရှိ သည်။:
- သင့်အသက်မှာ ၄၅ နှစ်အထက်ရှိခြင်း
- အဆစ်ကို အသုံးပြုသလောက် နာကျင်မှု ပိုမိုဖြစ်ပေါ်ခြင်း
- နံနက်ခင်းတွင် အဆစ်တင်းကျပ်မှု မရှိခြင်း သို့မဟုတ် ၃၀ မိနစ် မပိုခြင်း
သင့်ရဲ့လက္ခဏာများက အနည်းငယ် ကွဲပြားခြားနားပါက အခြားအဆစ်ရောဂါများဖြစ်နိုင်ပါသည်။ ဥပမာ, နံနက်ခင်းအချိန်တွင် အဆစ်တင်းကျပ်မှု ဖြဖစ်နိုင်သော်လည်း နာရီဝက်လောက်သာဖြစ်နိုင်ပါတဘ်။နာရီဝက်ထက်ပိုပြီးအတန်ကြာဖြစ်ခြင်းသည်လေးဖက်နာအရိုးအဆစ်ရောင်ခြင်း ၏ လက္ခဏာ ဖြစ်နိုင်သည်။
နောက်ထပ်စမ်းသပ်မှုများ– (ဥပမာ – အရိုးဓာတ်မှန်ရိုက်ခြင်း သို့မဟုတ် သွေးစစ်ခြင်း) စတာတွေကပုံမှန်အားဖြင့်မလိုအပ်သော်လည်း လေးဖက်နာအရိုးအဆစ်ရောင်ရောဂါ သို့မဟုတ် အရိုးအက်ခြင်း ကဲ့သို့သော အခြားအကြောင်းရင်းများကို ဖယ်ရှားရန် စမ်းသပ်ချက်များကို ပြုလုပ်နိုင်ပါသည်။
ကုသမှုရွေးချယ်စရာများ
အရိုးအဆစ်ရောင်ခြင်း သည် နာတာရှည် ရောဂါတစ်ခုဖြစ်ပြီး ပြန်လည်ကုသ၍မရနိုင်ပါ၊ သို့သော် အချိန်နှင့်အမျှ ပိုဆိုးသွားရန် မလိုအပ်သည့်အပြင် တဖြည်းဖြည်း ကောင်းမွန်သွားနိုင်ပါသည်။ လက္ခဏာများကို လျော့နည်းစေရန် ဆေးကုသမှု အမျိုးမျိုးလည်း ရနိုင်ပါသည်။
လက္ခဏာများကို အောက်ပါနည်းလမ်းများဖြင့် သက်သာအောင် လုပ်နိုင်ပါသည် :
- ပုံမှန်လေ့ကျင့်ခန်းပြုလုပ်ခြင်း
- အလွန်အမင်းအဝလွန်နေပါက အလေးချိန်လျော့ချခြင်း
- သင့်တော်သော ဖိနပ်ဝတ်ခြင်း
- အဆစ်များတွင် ဖိအားလျော့ချပေးသည့် အသုံးအဆောင်ပစ္စည်းများကို နေ့စဉ်လုပ်ငန်းစဉ်များတွင် အသုံးပြုခြင်း
လက္ခဏာများ ပိုဆိုးလာပါက– နာကျင်မှုသက်သာစေသော ဆေးများ သောက်သုံးခြင်း အရုိး အဆစ်ပြန်လည်သန်စွမ်းရေးကုထုံးကို physiotherapist နှင့်လေ့ကျင့်ခြင်း
အဆစ်များအထိခိုက်မှုပြင်းထန်သောအခြေအနေများတွင် ခွဲစိတ်ကုသမှုလုပ်ပြီး အဆစ်များကို ပြန်လည်ပြုပြင်ခြင်း သို့မဟုတ် အဆစ်များကို အစားထိုးခြင်း စသဖြင့် လုပ်ဆောင်နိုင်ပါသည်။
ကာကွယ်ရန်အချက်များ
အရိုးအဆစ်ရောင်ခြင်း ကို လုံးဝ ကာကွယ်လို့ မရနိုင်ပေမယ့် ထိခိုက်မှုများရှောင်ရှားခြင်း နှင့် ကျန်းမာသောနေထိုင်မှု ပုံစံ ဖြင့် နေထိုင်ခြင်းက အရိုးအဆစ်ရောင်ရောဂါ ဖြစ်ပွားမှုကို လျော့ချပေးနိုင်ပါတယ်။
လေ့ကျင့်ခန်းလုပ်ခြင်း
အဆစ်များပေါ်တွင် မကြာခဏဖိအားဖြစ်စေသော လေ့ကျင့်ခန်း သို့မဟုတ် အလုပ်လုပ်ခြင်းသည် အရိုးအဆစ်ရောင်ခြင်း ဖြစ်ပွားနိုင်မှုကို ပိုမိုမြင့်တက်စေပါသည်။
အပတ်စဉ်တွင် အနည်းဆုံး ၁၅၀ မိနစ် ထိ အသင့်အတင့် အာရောဘစ်လေ့ကျင့်ခန်း (စက်ဘီးစီးခြင်း သို့မဟုတ် မြန်မြန်လမ်းလျှောက်ခြင်း) ပြုလုပ်ပါ။ ဒါ့အပြင် အဓိကကျသောကြွက်သားများကို ဖွံ့ဖြိုးစေသည့် ခွန်အားသုံးလေ့ကျင့်ခန်းများ ကို အပတ်စဉ် ၂ ရက် သို့မဟုတ် ထို့ထက် ပို၍ ပြုလုပ်ပါ။
ပုံစံအနေအထားမှန်မှန်နေခြင်း
အနေအထားမကောင်းစွာ ထိုင်ခြင်း သည်လည်း အဆစ်များကို ထိခိုက်စေသဖြင့် ပျက်စီးမှုကို မဖြစ်စေရန် ထိုင်သည့်အခါ အနေအထားမှန်ကို ထိန်းထားရန် လိုအပ်ပါသည်။
ထိုင်အလုပ်လုပ်နေသူများအတွက် သင်၏ ထိုင်ခုံသည် အမြင့်မှန်ကန်စွာရှိနေသည်ကို သေချာစေပါ၊ အားလပ်ချိန်တိုင်းတွင် အမြဲ အနည်းငယ်လှုပ်ရှားရန် ကြိုးစားပါ။
အလေးချိန် လျှော့ချခြင်း
အလွန်အမင်းဝလွန်ခြင်းက သင့်အဆစ်များကို ဖိအားဖြစ်စေပြီး အရိုးအဆစ်ရောင်ခြင်းဖြစ်ပွားမှုကို ပိုမိုမြင့်တက်စေပါသည်။ ထို့ကြောင့် အဝလွန်နေပါက အလေးချိန်လျှော့ချခြင်းဖြင့် အရိုးအဆစ်ရောင်ရောဂါဖြစ်ပွားနိုင်မှုကို လျော့နည်းစေနိုင်ပါတယ်။
BMI ကျန်းမာရေးအလေးချိန်တွက်ချက်ခြင်းကို သုံး၍ သင့်အလေးချိန်ကို ကျန်းမာသောအခြေအနေတွင် ရှိ၊ မရှိ စစ်ဆေးနိုင်ပါသည်။
ဆရာဝန်နှင့်ပြသရန်အချိန်
အရိုးအဆစ်ရောင်ရောဂါ၏ ရောဂါလက္ခဏာများ မကြာခဏ ဖြစ်ပေါ်နေပါက ဆရာဝန်နှင့်ပြသပါ။
Our content undergoes a thorough process of research, writing, peer review, and rigorous checks and approvals. It is designed for educational purposes and is freely accessible for individual patients to read and share. For detailed information regarding usage, copyright, and disclaimers, please visit our Terms & Conditions page.